ஈரான் மீதான இராணுவ நடவடிக்கை காரணமாக நீண்ட கால அடிப்படையில் எரிபொருள் விலை குறையும் என்று அமெரிக்க ஜனாதிபதியின் ஊடக செயலாளர் கரோலின் லீவிட் தெரிவித்துள்ளார்.
சமீபகாலமாக எண்ணெய் மற்றும் எரிவாயு விலையில் ஏற்பட்டுள்ள உயர்வு தற்காலிகமானது என்று குறிப்பிட்ட லீவிட், இந்த இராணுவ நடவடிக்கையின் முடிவில் நீண்ட கால அடிப்படையில் எரிபொருள் விலைகள் குறையும் என்று விளக்கமளித்தார்.
உலகளாவிய எரிசக்தி விநியோகத்தில் முக்கிய பங்கு வகிக்கும் ஹோர்முஸ் நீரிணையைத் திறந்து வைத்திருக்குமாறு அதிபர் டொனால்ட் ட்ரம்ப் உத்தரவிட்டுள்ளார்.
இந்த உத்தரவைத் தொடர்ந்து, அமெரிக்க இராணுவம் இதற்கான கூடுதல் விருப்பத் திட்டங்களை வகுத்து வருவதாக லீவிட் கூறினார்.
இந்தக் கூடுதல் திட்டங்கள் எவை என்பதை அவர் வெளிப்படையாக அறிவிக்கவில்லை.
இருப்பினும், "இந்தத் திட்டங்களைப் பயன்படுத்த டொனால்ட் ட்ரம்ப் ஒருபோதும் தயங்கமாட்டார் என்பதை மட்டும் புரிந்துகொள்ளுங்கள்" என்று அவர் செய்தியாளர்களிடம் தெரிவித்தார்.